28 თებერვალს, ქ. ბათუმში (სასტუმრო „დივანში“) „საერთაშორისო ბიზნესის განვითარების და ინვესტიციათა ხელშეწყობის ცენტრის“ ორგანიზებით ფოკუს ჯგუფის შეხვედრა გაიმართა, რომლის მიზანი იყო აჭარის რეგიონში ველოტურიზმის განვითარების პოტენციალის შესახებ ტურიზმის სტეიკჰოლდერების მოსაზრებების გაცნობა.
შეხვედრას ესწრებოდნენ IBDIPC, აჭარის ტურიზმის ინდუსტრიის ფედერაციის (TIFA), შპს „ბათუმი ველოს“, „ტურიზმის ინსტიტუტის“, “ბათუმის ველომოყვარულთა კლუბის“, ბათუმის დრამატული თეატრის და ტურისტული კომპანის და სასტუმროების წარმომადგენლები.
შეხვედრისას განხილული იქნა აჭარაში ველოტურიზმის მიმართულებით არსებული სიტუაცია, სამომავლო პოტენციალი და მისი შემდგომი განვითარების შესაძლო ნაბიჯები. შეხვედრის მონაწილეების მოსაზრებები გათვალისწინებული იქნება IBDIPC-ის მიერ ველოტურიზმის განვითარების კვლევის და რეკომენდაციების პაკეტში.
ფოკუს ჯგუფის შეხვედრა ჩატარდა IBDIPC-ის ევროკავშირის ENI შავი ზღვის აუზის თანამშრომლობის პროგრამის მიმდინარე პროექტის ( „Let’s Cycle on Black Sea“ – BSB998)“ ფარგლებში.
IBDIPC 