Black Sea fest “SUNRISE” / “შავი ზღვის ფესტივალი – SUNRISE”

შავი ზღვის ფესტივალი “SUNRISE” ტარდება საერთაშორისო პროექტის  SUNRISE  (BSB 521) ფარგლებში, ევროკავშირის შავი ზღვის აუზის პროგრამის  მხარდაჭერით. პროექტი ხორციელდება ოთხი ქვეყნის ორგანიზაციების თანამშრომლობით – საქართველო, ბულგარეთი, რუმინეთი, მოლდავეთი. ფესტივალის ორგანიზატორი – IBDIPC (საერთაშორისო ბიზნესის განვითარების და ინვესტიციათა ხელშეწყობის ცენტრი).

ფესტივალის მიზანია  – ტურიზმის განვითარების ხელშეწყობა, ადგილობრივი პროდუქციის, ადგილობრივი რეწვის და ხელნაკეთი ნივთების  მწარმოებლების წარმოჩენა და პოპულარიზაცია. ფესტივალზე მონაწილეობა შეუძლიათ მიიღონ:

  • ხელნაკეთი, ტრადიციული რეწვის ნივთების მწარმოებლები
  • ადგილობრივი ღვინის მარნები
  • სოფლის მეურნეობის / ადგილობრივი კვების პროდუქტების მწარმოებლებს (მაგ: თაფლი, ჩირი, ჩაი, ჯემი, მურაბა,  და ა.შ.)

ფესტივალის მონაწილეებს შესაძლებლობა ექნებათ მოახდინონ თავისი პროდუქციის რეალიზაცია.

ფესტივალის თარიღები –  23-24 ოქტომბერი (13.00 – 19.00 სთ.)

ფესტივალის ლოკაცია – ევროპის მოედანი

მონაწილეობის პირობებიმონაწილეობა უფასოა. ფესტივალზე საჭირო სტენდები უზრუნველყოფილი იქნება ფესტივალის ორგანიზატორების მიერ. ფესტივალის მენეჯმენტი ასევე განახორცილებს ფესტივალის აქტიურ სარეკლამო კამპანიას (სოციალური ქსელი, ბეჭდვითი სარეკლამო-საინფორმაციო მასალები)  ფესტივალის შესახებ  ინფორმაციის გავრცელებისთვის

ფესტივალზე მონაწილეობისთვის (პროდუქციის წარდგენისთვის)  საჭირო რეგისტრაციის ფორმა – იხილეთ შემდეგ ბმულზე – https://bit.ly/3rWvKsu

საკონტაქტო ინფორმაცია – 599-482181,  ელ.ფოსტა – ibdipc@gmail.com

ფესტივალის პარტნიორები –  ა(ა)იპ „აგროსერვის ცენტრი“,  აჭარის ტურიზმის ინდუსტრიის ფედერაცია (TIFA), აჭარის ტურიზმის და კურორტების დეპარტამენტი, „აგრომანია“ (კრაფტული პროდუქტების მაღაზია)

სემინარი / ტრენინგი ბათუმში – „ველოტურიზმი და ველო-მეგობრული სერვისების ორგანიზება (CYCLE-FRIENDLY SERVICES)“

ორგანიზაცია  „საერთაშორისო ბიზნესის განვითარების და ინვესტიციათა ხელშეწყობის ცენტრი“ (IBDIPC) საერთაშორისო პროექტის „Let’s Cycle on Black Sea (BSB998)“ ფარგლებში ტურიზმის სფეროს წარმომადგენლებისთვის ატარებს  ინფო-სემინარს და ტრენინგს ველოტურიზმის მიმართულებით.

  • „ველოტურიზმის ინფო სემინარის“ მიზანია ველოტურიზმის არსისა და მნიშვნელობის გაცნობა, საქართველოში მისი განვითარების პოტენციალის წარმოჩენა, თანამედროვე ტენდენციებისა და კოვიდ-19 ის გავლენის შეფასება, საქართველოს ველოტურიზმის ბაზრის მიმოხილვა, ეკონომიკური შემოსავლისა და ადგილობრივი თემის ფინანსური სარგებლის წარმოჩენა და სფეროს განვითარებისათვის საჭირო ნაბიჯების გაცნობა. სემინარის ფარგლებში განვიხილავთ ველოტურიზმის მთლიან ღირებულებათა ჯაჭვს და წარმატებული ველოტურის იმპლიმენტაციის სრულ ციკლს.  
  • ველოტურიზმი და CYCLE-FRIENDLY SERVICES“ – ტრეინინგის მიზანია ველოტურის საორგანიზაციო საკითხების გაცნობა, გეგმარების პროცესის აღწერა, ველოტურისტული სერვისებისა და შეთავაზებების განხილვა, ველოტურის განხორციელებისათვის გასათვალისწინებელი ნიუანსების გაცნობა და რისკების პრევენცია, ველოტურისტის პროფილის აღწერა

სამიზნე აუდიტორიას წარმოადგენენ – არსებული ტურისტული მომსახურების მომწოდებლები, ტურისტული კომპანიები, გიდები, სასტუმროები/ჰოსტელები

ტრენინგის თარიღები და ხანგრძლივობა  –  21 მაისი – სემინარი, 22, 23 მაისი  – ტრენინგი (ასევე მეორე ჯგუფისთვის – 24, 25 მაისი),  დღეში  საშუალოდ  5 საათი  (შესვენების და კოფე-ბრეიკის გათვალისწინებით)

ტრენინგის ადგილი  – ტრენინგი ჩატარდება ქ. ბათუმში, “ბათუმის ბიზნეს ცენტრი“ (Business Loft) – მის: ქ. ბათუმი,  ს. ჟღენტის ქ.1 – ე.წ. „კემპნისკის სასტუმროს“ შენობაში.

ტრენინგზე დასწრების პირობები – ტრენინგზე დასწრება უფასოა, ტრენინგების ბოლოს გაიცემა შესაბამისი სერტიფიკატი.  მონაწილეებს ინტერესის მიხედვით შეუძლიათ აირჩიონ რამდენიმე ტრენინგზე დასწრება

ტრენინგზე  რეგისტრაციისთვის გთხოვთ შეავსოთ სარეგისტრაციო ფორმა – https://bit.ly/33M9rKP

პროექტი ხორციელდება ევროკავშირის შავი ზღვის აუზის საზღვრისპირა თანამშრომლობის (ENPI)  ფარგლებში და მიზნად ისახავს  ველოტურიზმის განვითარების ხელშეწყობას. ეს არის რეგიონალური პროექტი, რომელიც განხორციელდება  (2021-2022 წწ.-ის პერიოდში) 5 ქვეყნის ორგანიზაციების თანამშრომლობით –  საქართველო, თურქეთი, რუმინეთი, ბულგარეთი, უკრაინა, მოლდოვეთი. საქართველოს მხრიდან პროექტს ანხორციელებს ორგანიზაცია – საერთაშორისო ბიზნესის განვითარების და ინვესტიციების ხელშეწყობის ცენტრი (IBDIPC).

საკონტაქტო ინფორმაცია –  ტელ:  599-482181, ელ.ფოსტა: ibdipc@gmail.com

Web: http://www.ibdipc.org;  http://www.facebook.com/ibdipc

Common borders. Common solutions / www.blacksea-cbc.net

“პანდემიის პირობებში ტურიზმის ინდუსტრიაში არსებული გამოწვევები, სიტუაციის სოციალურ-ეკონომიკური ანალიზი და ტურიზმის განვითარების ხელშეწყობის რეკომენდაციები“

პროექტი “პანდემიის პირობებში ტურიზმის ინდუსტრიაში არსებული გამოწვევები, სიტუაციის სოციალურ-ეკონომიკური  ანალიზი და  ტურიზმის განვითარების ხელშეწყობის  რეკომენდაციები“ განხორციელდა „აღმოსავლეთ პარტნიორობის (EaP) სამოქალაქო საზოგადოების ფორუმის საქართველოს ეროვნული პლატფორმის მხარდაჭერა საქართველოში რეფორმების განსახორციელებლად” პროგრამის ფარგლებში. 

პროექტის მიზანი იყო – ტურიზმის სფეროში არსებული სიტუაციის შეფასება და შესაბამისი რეკომენდაციების მომზადება, რაც შემდგომში EaP საქართველოს ეროვნული პლატფორმის მიერ წარედგინება საქართველოს მთავრობას. 

კოალიციური პროექტის კოორდინატორი იყო – ორგანიზაცია IBDIPC („საერთაშორისო ბიზნესის განვითარების და ინვესტიციათა ხელშეწყობის ცენტრი“), პროექტში ასევე მონაწილეობდა 7 ორგანიზაცია – ა(ა)იპ „გურიის ტურიზმის ასოციაცია“,  ა(ა)იპ „ტურიზმის ინსტიტუტი“,  ა(ა)იპ  „საქართველოს ტურიზმის ასოციაცია“, ა(ა)იპ „კონკურენციის ცენტრი“, ა(ა)იპ „რეგიონალური მართვის და ეკონომიკური განვითარების ცენტრი“, (ა)იპ „კავკასიის ეკონომიკური და სოციალური კვლევითი ინსტიტუტი“, ა(ა)იპ „ჯუნიორ ეჩივმენთი საქართველო“   

კვლევა ჩატარდა სპეციალური კითხვარების მეშვეობით ტურიზმის სექტორის წარმომადგენლებს შორის (155 რესპოდენტი) – სასტუმრო, ტურკომპანია, რესტორანი, ტურგიდები. კვლევის გეოგრაფიული არეალი –  თბილისი ,  აჭარა და გურია (ზღვისპირა რეგიონები). კვლევის ფარგლებში ასევე ორგანიზებული იყო 2 ფოკუს-ჯგუფი (8-9 მონაწილე თითო ჯგუფში) –   ტურიზმის სექტორის წარმომადგენლების მონაწილეობით ბათუმსა და თბილისში. გამოკითხვის მთავარი მიზანი იყო საჭირო ინფორმაცია მიღება კერძო სექტორის მიერ სიტუაციის შეფასების კუთხით, ასევე მათი მოლოდინი ტურიზმის განვითარების პერსპექტივებთან დაკავშირებით, რა ტიპის ღონისძიებებებს განიხილავენ აუცილებლად ამ ეტაპზე  დარგის მხარდაჭერისთვის და ა.შ.

პროექტის ფარგლებში მომზადებულ დოკუმენტში წარმოდგენილია  ტურიზმის სფეროში არსებული სიტუაციის ანალიზი (პანდემიამდე და პანდემიის პირობებში), პოსტ-პანდემიურ პერიოდში დარგის განვითარების პროგნოზი და  ასევე ტურიზმის ხელშეწყობის რეკომენდაციები – საერთაშორისო მარკეტინგის, შიდა ტურიზმის სტიმულირების, საკანონმდებლო/სამართლებრივი ცვლილებების და საგადასახადო/საბანკო შეღავათების კუთხით.

კვლევის შედეგები და რეკომენდაციების დოკუმენტი შეგიძლიათ იხილოთ შემდეგ ბმულზე – http://bit.ly/2JlKFdW

საკონტაქტო ინფორმაცია – ibdipc@gmail.com

 

„COVID-19 პანდემიის გავლენა ტურიზმის ინდუსტრიაზე – ტურისტული სექტორის გამოკითხვის შედეგები“

აჭარის ტურიზმის ინდუსტრიის ფედერაციის (TIFA ეგიდით და საერთაშორისო ბიზნესის განვითარების და ინვესტიციათა ხელშეწყობის ცენტრის“ (IBDIPCჩართულობით ჩატარდა აჭარის რეგიონში ტურისტული სექტორის წარმომადგენლების გამოკითხვა.

აღნიშნული კვლევის მიზანი იყო –  ტურიზმის სექტორში ჩართული ადამიანების გამოკითხვის ჩატარება, რომლის შედეგადაც მიღებული იქნა მნიშნველოვანი და საინტერესო ინფორმაცია, რაც დაგვეხმარება ტურიზმის სექტორში COVID 19 ვირუსის პანდემიასთან დაკავშირებით წარმოქმნილი პრობლემების და გამოწვევების იდენტიფიცირების  და არსებული რეალობის შეფასების კუთხით.

გამოკითხვის პერიოდი – მაისი, 2020 წ.
რესპოდენტების რაოდენობა – 65 პერსონა, სადანაც 48% იყო ქალი  და 52% – მამაკაცი.

კვლევის  შედეგებს შეიძლება გაეცნოთ  შემდეგ ბმულზე:

https://bit.ly/2XTxWlM

ტრენინგები გურიაში – “კერძო და სახელმწიფო სექტორის თანამშრომლობა ტურიზმის სექტორში”

22-23 ივნისს ორგანიზაცია IBDIPC-ის მიერ, პროექტის “სახელმწიფო და კერძო სექტორის თანამშრომლობის ხელშეწყობა გურიაში ტურიზმის განვითარებისთვის” ფარგლებში ქ. ოზურგეთში ჩატარდა ტრენინგი – “კერძო და სახელმწიფო სექტორის თანამშრომლობა ტურიზმის სექტორში”.

აღნიშნული პროექტი ხორციელდება გაეროს განვითარების პროგრამის (UNDP) მცირე გრანტების პროგრამის “რეგიონული და ადგილობრივი განვითარების ხელშეწყობა საქართველოში” (RLD) ფარგლებში, სამხრეთ კავკასიაში შვეიცარიის თანამშრომლობის ოფისისა (SCO) და ავსტრიის განვითარების სააგენტოს (ADC) დაფინანსებით.

ტრენინგს ესწრებოდნენ გურიის მუნიციპალიტეტების, გურიის სამხარეო ადმინისტრაციის, გურიის ტურიზმის ასოციაციის და ტურიზმის სფეროსთან დაკავშირებული კერძო სექტორის წარმომადგენლები. ტრენინგი ჩაატარა გერმანელმა ექსპერტმა კნუტ გერბერმა, რომელსაც ტურიზმის სფეროში სხვადასხვა საერთაშორისო პროექტების განვითარების მრავალწლიანი გამოცდილება გააჩნია, როგორც საქართველოში ისე აღმოსავლეთ ევროპაში.
ტრენინგის/ვორქშოფის ძირითადი მიზანს და თემატიკას წარმოადგენდა მონაწილეებისთვის ტურიზმის სფეროში კერძო და სახელმწიფო სექტორს შორის თანამშრომლობის ძირითადი პრინციპების, მოსაზრებების და ამ კუთხით ევროპული გამოცდილების გაცნობა. ტრენინგი მოიცავდა როგორც თეორიულ ისე პრაქტიკულ ნაწილს და ჯგუფური მუშაობის ელემენტებს.
ვორქშოფის დროს განხილული იქნა ის ძირითადი საკითხებიც,რაც მნიშნველოვანია ამ ეტაპზე გურიაში ტურიზმის განვითარების კუთხით და ამ მხრივ კერძო და სახელმწიფო სექტორის თანამშრომლობის გზები. ტრენინგის მონაწილეებს გადეცათ სერტიფიკატები.
პროექტის ფარგლებში დაგეგმილია ასევე ტრენინგი “ტურიზმის მდგრადი განვითარების და რეგიონალური დაგეგმვის პრინციპები”.
საკონტაქტო ინფორმაცია – ტელ: 599-482181, E-mail: ibdipc@gmail.com
13548954_10154356161938281_1137395695_o13549239_10154356162108281_158792435_o 13549243_10154356161503281_688438194_o 13570346_10154356161748281_933727131_o 13575485_10154356161183281_977659154_o-2 13582430_10154356161338281_1742506925_o

IBDIPC პროექტის პრეზენტაცია “სახელმწიფო და კერძო სექტორის თანამშრომლობის ხელშეწყობა გურიაში ტურიზმის განვითარებისთვის”

IBDIPC პროექტის პრეზენტაცია “სახელმწიფო და კერძო სექტორის თანამშრომლობის ხელშეწყობა გურიაში ტურიზმის განვითარებისთვის”

 

24 მაისს, 15.00 სთ.-ზე ქ. ოზურგეთში, სახელმწიფო რწმუნებულის – გუბერნატორის სამხარეო ადმინისტრაციაში გაიმართა ორგანიზაცია “საერთაშორისო ბიზნესის განვითარების და ინვესტიციათა ხელშეწყობის ცენტრის” (IBDIPC) პროექტის “სახელმწიფო და კერძო სექტორის თანამშრომლობის ხელშეწყობა გურიაში ტურიზმის განვითარებისთვის” პრეზენტაცია. შეხვედრას ესწრებოდნენ სამთავრობო (მუნიციპალიტეტები, გურიის გუბერნატორის ადმინისტრაცია) და გურიის რეგიონში ტურისტულ საქმიანობასთან დაკავშირებული კერძო სექტორის და მედიის წარმომადგენლები.

აღნიშნული პროექტი ხორციელდება მცირე გრანტების პროგრამის “რეგიონული და ადგილობრივი განვითარების ხელშეწყობა საქართველოში” (RLD) ფარგლებში, რომელსაც ახორცილებს გაეროს განვითარების პროგრამა (UNDP), სამხრეთ კავკასიაში შვეიცარიის თანამშრომლობის ოფისისა (SCO) და ავსტრიის განვითარების სააგენტოს (ADC) დაფინანსებით.

Continue reading

Impact of DCFTA Implementation in Georgia 2015

IBDIPC  in 2015 implemented EU financed project «DCFTA’s: Opportunities and challenges for SME in EaP’s EU accession countries», together its Ukrainian and Moldovan partners. Project’s major scope was to identify the existing problems of companies in EaP countries to comply with DCFTA requirements, real needs of action steps to provide necessary changes in regulation to support SME.

During project it was arranged stakeholder survey and prepared  study of DCFTA implementation  and country policy brief.

Both documents are provided as PDF files:

ტრენინგი PR/მედია კომუნიკაციაში აჭარის ტურიზმის სფეროს წარმომადგენლებისთვის

26-28 ნოემბერს, აჭარის ტურისტული სექტორის წარმომადგენლებისთვის, ქ. ბათუმში სასტუმრო “დივან სუიტში” გაიმართა ტრენინგი PR/მედია კომუნიკაციაში. ტრენინგი ჩატარდა „საერთაშორისო ბიზნესის განვითარების და ინვესტიციების ხელშეწყობის ცენტრის“ ორგანიზებით, საერთაშორისო პროექტის – „Development of Outdoor Adventure Tourism Network in Black Sea Region (DOOA)“ ფარგლებში. აღნიშნული პროექტი ხორციელდება ევროკავშირის შავი ზღვის აუზის საზღვრისპირა თანამშრომლობის ფარგლებში და წარმოადგენს რეგიონალურ პროექტი 5 ქვეყნის ორგანიზაციების თანამშრომლობით (რუმინეთი, საქართველო, მოლდოვეთი, ბულგარეთი და თურქეთი).

Continue reading

Project Presentation – “Black Sea Network for Sustainable Tourism – Strategies for joint tourism marketing and development in the Black Sea region”

Project Presentation – “Black Sea Network for Sustainable Tourism – Strategies for joint tourism marketing and development in the Black Sea region”

 

International Business Development and Investment Promotion Center (IBDIPC) is starting regional project “Black Sea Network for Sustainable Tourism – Strategies for joint tourism marketing and development in the Black Sea region” (BS NST)” which aims to facilitate development of Eco and Agro Tourism in Georgia (Ajara region), Ukraine, Turkey, Moldova and Bulgaria.

The project is financed by “Black Sea Basin Joint Operational Programme 2007-2013” under the European Neighborhood & Partnership Instrument (ENPI) of the EU. This is regional project which will be implemented during 18 months through close cooperation of project partners from Georgia, Moldova, Ukraine, Bulgaria and Turkey.  The project in Georgia is implemented by IBDIPC in cooperation with Department of Tourism and Resorts of Ajara AR.

The major goal of project is aachieving stronger regional partnership and cooperation among regions in Black Sea Basin for sustainable tourism management and joint marketing strategy focused on PPP. Project main activities include – tourism marketing researches,  Development different type of tourism oriented training packages and organizing trainings, elaborating joint marketing strategy for region for tourism promotion and setting up joint internal platform, arranging study visits in project partner countries to share experiences and develop joint tour products.

The presentation of Project is planned in Batumi on 21 February, 11.00 am at Hotel Radisson Blue.  At presentation will be attended representatives of local government, Batumi municipality, private and non-governmental sector etc.

 

ib EU and CBC

ორგანიზაცია “IBDIPC”-ის პროექტის პრეზენტაცია – “შავი ზღვის აუზის ტურიზმის მდგრადი განვითარების ქსელი – რეგიონში ტურიზმის განვითარების და მარკეტინგის ერთობლივი სტრატეგიები”

17.02.2014

საერთაშორისო ბიზნესის განვითარების და ინვესტიციების ხელშეწყობის ცენტრი (IBDIPC) იწყებს ევროკავშირის შავი ზღვის აუზის საზღვრისპირა თანამშრომლობის კოალიციურ პროექტს „Black Sea Network for Sustainable Tourism – Strategies for joint tourism marketing and development in the Black Sea region (BS NST)” /  “შავი ზღვის აუზის ტურიზმის მდგრადი განვითარების ქსელირეგიონში ტურიზმის განვითარების და მარკეტინგის ერთობლივი სტრატეგიები, რომელიც მიზნად ისახავს ეკო და აგრო ტურიზმის განვითარების ხელშეწყობას საქართველოში (კერძოდ აჭარის რეგიონში), უკრაინაში, თურქეთში, მოლდოვასა, და ბულგარეთში.

პროექტი დაფინანსებულია „შავი ზღვის აუზის საოპერაციო პროგრამა – 2007-2013“-ს მიერ ევროკავშირის ევროპის სამეზობლო და საპარტნიორო პოლიტიკის ინსტრუმენტის (ENPI) ფარგლებში. ეს არის რეგიონალური პროექტი, რომელიც განხორციელდება 18 თვის განმავლობაში 5 ქვეყნის ორგანიზაციების თანამშრომლობით  – საქართველო, მოლდოვეთი, უკრაინა, ბულგარეთი და თურქეთი. საქართველოს მხრიდან პროექტს ანხორციელებს ჩვენი ორგანიზაცია – საერთაშორისო ბიზნესის განვითარების და ინვესტიციების ხელშეწყობის ცენტრი (IBDIPC), აჭარის არ ტურიზმის და კურორტების დეპატამენტთან თანამშრომლობით.

პროექტის მიზანია ხელი შეუწყოს  შავი ზღვის აუზის ქვეყნებს შორის რეგიონალური პარტნიორობას ტურიზმის მდგრადი განვითარების და ერთობლივი მარკეტინგული სტრატეგიის და აქტივობების განხორციელებისთვის. პროექტის აქტივობები მოიცავს: ტურიზმის სფეროში სხვადასხვა ტიპის მარკეტინგული კვლევების, ტურიზმთან დაკავშირებული ტრენინგ-პაკეტების შემუშავებას და ტრენინგების ორგანიზებას, ერთიანი მარკეტინგული სტრატეგიის და ინტერნეტ პორტალის შემუშავება და პროექტის მონაწილე ქვეყნებში გამოცდილების გაზიარებისთვის სამუშაო ვიზიტების ორგანიზებას.  პროექტი ითვალისწინებს  ასევე კერძო და სახელმწიფო სექტორის თანამშრომლობის და საერთაშორისო კოოპერაციის კომპონენტების გაძლიერებას.

პროექტის პრეზენტაცია გაიმართება 21 თებერვალს, 11.00 სთ.-ზე  ქ. ბათუმში სასტუმრო „რადისონში“, რომელსაც დაესწრებიან სამთავრობო, არასამთავრობო და ტურიზმის ბიზნეს სექტორის, ევროკომისიის წარმომადგენლები და პროექტის მონაწილეები თურქეთიდან.

ჩვენი საკონტაქტო ინფორმაცია – ტელ: 599-482181,  ელ.ფოსტა  ibdipc@gmail.com